الشاعر سعد بن مرزوق الحبابي وقصيده برنامج شاعر المليون مع صور منوعه للشاعر

[

مشاركة الشاعر في مسابقة شاعر المليون

مرت سنين بعد سنين والوقت دار=والمعزه من الذل اصبحت منهكه
يوم شفت الجبال الشم صارت صغار=قلت هذا الزمن ماظن فيه بركه
ابرق الريش رفرف بالخضيرا وطار=خله يطير دام الحر وسط شبكه
يقطعك يالمجامل كيف تصنع وقار=كيف تتقن فنون الكذب والفبركه
ماعرفنا الحقيقه لين طاح الستار=وضاع تاج الملك واصبح بلا مملكه
وانت ياصاحبي دام الهقاوي كبار=بعد ماطال وقت شعيل في مبركه
ودي اعطيك رايي واسمعه باختصار=ان عجبك اقبله وان ماعجبك اتركه
لازم تحارب التقليد بالابتكار=واي دربً تشوفه سهل لاتسلكه
ادخل المعركه واعزم على الانتصار =وكان مامعك فكر ابعد عن المعركه
طف للجهل نار وشب للعلم نار=واي خشمً تعلى بالغرور افركه
ولا تصدق ليا قالوا للابداع دار=لو يبرهن لك الصعلوك بالصعلكه
كل موهوب له نهج وميول ومسار=يملك كنوز موهبته ولا تملكه
فرق حرية المبدع من الاحتكار=مثل فرق اليد الخطلا عن الممسكه
وقوة العزم سيفٍ في يد الاقتدار=يقطع قيود حضك لوهي مشربكه
والكسل وجه نحسٍ يجلب الانكسار=يجعلك تنظر مرادك ولا تدركه
شف غصون القصايد مايله للصفار=يبّستها رياح افكار مستهلكه
بيد شاعر وشاعر خانهم الاختيار=مستقيمين بس افكارهم مشركه
ولا انا هاجسي بين المعاليق ثار=كل ماقلت ابي حبك القصيد احبكه
نِبْت بذر المعاني في ضميري وصار=خيزرانً ليا هب الهوى حركه
لين صار لسعد باْطراف كونه مدار=كوكبً شع نوره في محيط فلكه
والشعر دون مبدأ منهج بلا شعار=كل من يتبعه يرميه ف التهلكه
بس تبقى الجزاله ماعليها غبار=تدخل القلب لو بيبانه مصككه
صاحبي دامك تقول الهقاوي كبار=جاك رايي واذا انه ماعجبك اتركه
بس لاتزعل ان شفت ابرق الريش طار=خله يطير دام الحر وسط شبكه

[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا][/quote][/quote]

شاعر جزل

وتعجبني اغلب قصائدة

والله يحفظ الجميع


ولك تحيتي

عسى الله يوفقه
والله لايهينكـ على الطرح والانتقاء الجميل
دمت بود
تحياتي

صح لسان الشاعر

شاعر مبدع
يعطيك العافية

صح لسان الشاعر والله يوفقه فى مسيرته الشعريه

مشكور ويعطيك العافية

مرحبا يابو فيصل

والشاعر المبدع سعد من الشعار المتتميزين

في جميع المجالات نتمنى له ولك التوفيق ..